'گۆڕی توتانخامون'ی ئیتاڵیا: شوێنەوارناسان ستایشی دۆزینەوەی تاکە بازیلیکای ڤیتروڤیۆس دەکەن

دۆزینەوەی بازیلیکایەکی ٢٠٠٠ ساڵە لە ئیتاڵیا: شاکاری ڤیتروڤیۆسی تەلارساز

لە شاری فانۆ، ناوچەی لێ مارش لە ئیتاڵیا، شوێنەوارناسان گەیشتوونەتە دۆزینەوەیەکی بێ وێنە: بازیلیکایەکی دێرینی ڕۆمانی کە تەمەنی دوو هەزار ساڵە و لەلایەن تەلارسازی ناودار، ڤیتروڤیۆسەوە، دیزاین کراوە.

ئەلیساندرۆ جیولی، وەزیری ڕۆشنبیری ئیتاڵیا، ئەم دۆزینەوەی شوێنەوارییە بە گرنگی گۆڕی توتانخامون هەژماردەکات و جەختی لەسەر کردووەتەوە کە "نەوەکانی داهاتوو باسی ئەم ڕووداوە دەکەن".

ئەم بیناکاری مێژوویە لە کاتی کارەکانی هەڵکۆڵین بۆ نوێکردنەوەی گۆڕەپانی ئەندریا کۆستا ئاشکرا بوو. توێژەران بە شانازییەوە توانیان پێکهاتەی بیناکارییەکە وەک نەخشەی ڤیتروڤیۆس دەستنیشان بکەن، دوای ئەوەی ستوونەکانیان دۆزییەوە کە بە تەواوی لەگەڵ وەسفەکانی ئەو تەلارسازە گەورەیە دەگونجێن.

تایبەتمەندی ئەم دۆزینەوەیە

ئەم بازیلیکایە یەکەم و تاکە بیناکارییە کە بە دڵنیاییەوە دەگەڕێتەوە بۆ مارکوس ڤیتروڤیۆس پۆلۆنیۆس، ئەو کەسەی کە وەک باوکی تەلارسازی ڕۆژئاوا دادەنرێت و کاریگەریی لەسەر تەلارسازی بۆ هەزاران ساڵ بەردەوام بووە.

موستەفا ن.